DE URE consult юридикалык компаниясы Кыргыз Республикасынын сотторунда уюмдардын кызыкчылыгын коргоп берүү боюнча сотто өкүлчүлүк кылуу боюнча кызмат көрсөтөт:

• экономикалык иштер боюнча,

Кыргыз Республикасынын жарандык-процессуалдык Кодексинин 255-беренесине ылайык, экономикалык талаш иштер деп юридикалык тараптардын жана (же) жеке ишкерлердин ортосунда пайда болгон талаш иштер саналат:

1. түзүлүшү мыйзамда каралган же тараптары келип чыккан пикир келишпестиктерди соттун чечүүсүнө берүүнү макулдашкан келишим боюнча пикир келишпестиктер жөнүндө;
2. келишимдин шарттарын өзгөртүү жөнүндө же келишимди бузуу жөнүндө;
3. милдеттенмелерди аткарбоо же талаптагыдай эмес аткаруу жөнүндө;
4. келишимдерди жарактуу деп таануу жөнүндө;
5. келишимдерди жараксыз деп таануу жөнүндө;
6. менчик укугун таануу жөнүндө;
7. бөтөн мыйзамсыз ээлик кылуудан менчик ээсинин же башка мыйзамдуу ээлик кылуучунун мүлктү талап кылышы жөнүндө;
8. мүлктү пайдалануудагы тоскоолдуктарды четтетүү жөнүндө;
9. ээлик кылуудан ажыратууга байланышпаган, менчик ээсинин же башка мыйзамдуу ээлик кылуучунун укуктарынын бузулушу жөнүндө;
10. зыяндын ордун толтуруу жөнүндө;
11. банкроттук (кудуретсиздик) жөнүндө;
12.  түзүүчүлөрдүн, катышуучулардын, акционерлердин жана юридикалык жактын ортосундагы талаштар боюнча, ошондой эле юридикалык жактардын түзүүчүлөрүнүн ортосундагы өз ара талаштары боюнча;
13. мамлекеттик органдар, жергиликтүү өз алдынча башкаруу органдары, контролдоо функцияларын жүзөгө ашыруучу башка органдар тарабынан юридикалык жактардан жана жеке ишкерлерден милдеттүү төлөмдөрдү, жыйымдарды, айыппулдарды жана башка финансылык санкцияларды өндүрүп алуу жөнүндө;
14. контролдоо функцияларын жүзөгө ашыруучу органдар эсептен чыгарган же алып койгон акча каражаттарын бюджеттен кайтарып берүү жөнүндө;
15. юридикалык жактын же жеке ишкердин ишкердик беделин коргоо жөнүндө.

Административдик иштер деп Кыргыз Республикасынын Административдик-процессуалдык Кодексинин 15-беренесине ылайык, төмөнкү административдик иштер административдик сот өндүрүш тартибинде каралат:

1. административдик актыны же административдик органдын аракеттерин толугу менен же болбосо анын бир бөлүгүн жараксыз деп табуу жөнүндө;
2. административдик органдын доогерге оордук келтирүүчү административдик актыны кабыл албоо же башка аракеттерди жасабоо милдеттери жөнүндө;
3. административдик органдын административдик актыны кабыл алуу же айрым аракеттерди жасоо милдети жөнүндө;
4. административдик органдын же жергиликтүү өз алдынча башкаруунун өкүлчүлүктүү органынын мыйзамга караштуу ченемдик укуктук актысын жараксыз деп таануу жөнүндө;
5. административдик органдын күчүн жоготкон административдик актысын мыйзамсыз деп таануу жөнүндө.

DE URE consult юридикалык компаниясынын юристтери тарабынан Кыргыз Республикасынын Соода-Өнөр жай Палатасына караштуу Эл аралык Бейтарап сотто (КРнын СӨПна караштуу ЭБС) бул ведомствого тиешелүү иштер боюнча кардарлардын кызыкчылыктарын коргоо иштери да жүргүзүлөт.

Сотто өкүлчүлүк кылуу боюнча юридикалык кызматтар өз ичине төмөнкүлөрдү камтыйт:

• ишти алдын ала анализдеп чыгуу, талашты сотко чейин жөнгө салуу тартиптери аткарылганын текшерүү;
• стратегия, иш пландарды жана тиешелүү иш чараларды иштеп чыгуу менен кардар менен макулдашуу;
• процессуалдык документтерди түзүү (доо арыз, административдик арыз, ходатайства, апелляциялык жана кассациялык арыздар ж.б.);
• биринчи инстанцияда, апелляциялык жана кассациялык инстанцияларда, жана бейтарап териштирүүлөрдө сот отурумдарына катышуу жана кардардын кызыкчылыктарын коргоо;
• аткаруу өндүрүшүндө кызыкчылыктарды коргоо жана катышуу.

Блгилей кетчү нерсе, азыркы мыйзамдар жеңилген тараптан сотто кызыкчылыгын коргоого кеткен чыгымды өндүрүп алууга жол берет, ошондуктан өкүлдү жалдап алууга кеткен чыгым кийин жеңилген тараптан тиешелүү тартипте өндүрүлөт.

Дагы суроолоруңуз барбы? Биздин юристтер менен байланышып, кеп-кеңеш алсаңыз болот.